鈺膳潮州菜 (駱克道) (已結業)

叔公婶婆于湾仔名店「钰潮州菜」设宴款待亲友，年纪轻轻嘅XO仔亦有份参与，实感荣幸万分。潮州菜馆正门设于地下，门牌光鲜，故不难找到。通往楼上用餐大堂必先行经梯级或乘坐升降机。长辈早已安排晚宴于厢房内进行，空间感足，私隐度更高。餐桌上摆有齐备嘅自用及公用餐具；菜单早已订好，大家只需饭来张口。潮式冻大红花蟹：大大只花蟹橙美吸睛，厚厚嘅蟹肉鲜嫩多汁。潮式四喜拼盘：潮式拼盘内含四款香口小食，其中普宁炸豆腐外脆内嫩，潮阳虾枣及蟹枣松爽弹牙，最特别就系半脆半腍嘅虾米薯仔粿。卤水拼盘：卤水拼盘中小肥唔识食掌翼，不过舖面嘅鹅肠够爽、垫底嘅鹅肉都好够肉汁。椒盐九肚鱼（$128）：九肚鱼外层酥脆，鱼肉嫩滑，惹味小食也。红烧潮州翅（$348/位）：每人一客嘅潮州靓翅十分足料，翅翅又粗又滑溜，红烧汤底亦香浓暖胃，极为窝心！蒜子火腩扣花锦鳝皇腩：大肥爸爸激赞鳝皇腩嘅鳝皮厚润腍滑，肉质幼嫩鲜甜肥美。伴配嘅豆苗翠绿软嫩，同大大只冬菇一样索尽煲中嘅精华！猪油炒白菜仔：话明用猪油炒嘅白菜仔肥嘟嘟，外表尤其油润有光泽，食落爽脆鲜美。沙爹牛河（$148）：单尾沙爹牛河微辣鲜香，河粉面条幼滑肥弹，牛肉又够松软，就连芥兰都脆卜卜