影片
更多
2014-06-29
6149 浏览
无几耐之前先食完美心系嘅八月花，不过，𠮶次跟教会朋友嘅饭聚，唔喺小弟做搞手。但今次跟旧同事嘅饭局又拣嚟帮衬美心系嘅中菜食府「潮庭」，就喺由小弟提议嘅 ，因为年几两年前同老婆嚟食过一次，觉得环境、招呼、食物皆好 。正所谓「朝庭不用饿兵」，旧同事开到声揾我依个「哎吔」食家（注：先旨声明，小弟一向唔认为自己喺咩食家，食家即喺饮食专家，我顶多只不过都喺个膳男𩠌女，为为食食啫），一定揾个地方满足到佢哋嘅基本需求 。今次被安排坐到餐厅尾最入嘅6人枱，相对少骚扰，实在方便我哋几个倾偈。虽然枱櫈排得有比较密集，幸好大部份都喺斯文客，唔似一啲街坊酒家咁粗声粗气，感觉唔太嘈；而佢啲梳化櫈亦较为小巧，无咁「挜拃」得嚟又坐得挺舒服；而精致嘅餐具更喺美心中菜食府嘅标记，有湖水蓝同枣红色两套，配黑白公私筷，让人感觉多几分气派 。一如既往，未起筷先嚟杯功夫茶及泡菜小食（茗茶每位收$15，功夫茶就额外送嘅，而泡菜每碟收$26，我哋6个人收咗两碟钱。）前者茶色清澈，醇厚甘凉；后者有青瓜、咸酸菜、花生，集开胃、爽脆之感。功夫茶有健脾开胃、解酒除腻之用，所以潮庭饭前饭后都各自奉上一盘功夫茶，喺一份窝心嘅体贴 。话
今次被安排坐到餐厅尾最入嘅6人枱，相对少骚扰，实在方便我哋几个倾偈。虽然枱櫈排得有比较密集，幸好大部份都喺斯文客，唔似一啲街坊酒家咁粗声粗气，感觉唔太嘈；而佢啲梳化櫈亦较为小巧，无咁「挜拃」得嚟又坐得挺舒服；而精致嘅餐具更喺美心中菜食府嘅标记，有湖水蓝同枣红色两套，配黑白公私筷，让人感觉多几分气派 。
一如既往，未起筷先嚟杯功夫茶及泡菜小食（茗茶每位收$15，功夫茶就额外送嘅，而泡菜每碟收$26，我哋6个人收咗两碟钱。）前者茶色清澈，醇厚甘凉；后者有青瓜、咸酸菜、花生，集开胃、爽脆之感。功夫茶有健脾开胃、解酒除腻之用，所以潮庭饭前饭后都各自奉上一盘功夫茶，喺一份窝心嘅体贴 。
话咗同老婆嚟食过，自然有心水菜式推介俾老友，加上上次好有兴趣而未有机会试嘅菜式，以及少少风味小食，唔太难就敲定今晚嘅𩠌菜。
凉拌猪脚冻 $65 跟镇江肴肉有啲异曲同工，入口冰凉清爽，而猪脚肉好软腍，汤冻部份软滑如啫喱，犹如骨胶原入口。
胡麻凉拌茄子 $65 用细条嘅茄子，令做出嚟外观口径一致，卖相好睇啲。食落微暖，质感绵绵，然则麻酱劲香浓，又有少少微酸。
太极海鲜羹 $138 太极羹有两款，分别喺：鸡蓉太极羹（$118）及太极海鲜羹（$138），当然唔介意食贵少少要后者啦。咩叫做先声夺人，一睇个汤羹送上嚟就知嘞，一幅太极阴阳图，绿色为菠菜蓉，配合含有带子肉、虾肉及鱼肉嘅海鲜羹，汤羹味道鲜甜绵滑，浓郁嘅菠菜味又别具一格 。
菠萝酱烧虾球 $204 依个喺上次想试嘅菜式，餐牌上标价$168，但无写几多粒，不过张相喺4件嚟，再问清楚店员确喺一客4件，所以，问问可唔可以加到6件，原来喺可以，仲只卖$204，即喺+$36多两只虾球，抵㖞 ！个卖相唔太花巧，但个虾球绝对好食，虾球既大粒，又有层薄薄脆浆，虾肉极为鲜爽弹牙，清甜嘅菠萝酱又唔会冚过虾鲜味，值得一试嘅菜式 。
香芋桃仁鸭方 $95 依个啱啱好一客6件，唔使烦多唔多加嘅问题。烧鸭件配芋蓉，混有花生粒（乜唔喺合桃仁？），喺烧鸭版嘅芋头角，烧鸭油润酥香，芋蓉非常粉香幼滑，外皮松脆不油，蘸海鲜酱食一流 。而中间伴碟嘅炸紫苏叶，入口比较油腻 ，似乎点缀作用多啲。
翡翠菊花石榴鸡 $168 上一次食过感觉太好，所以喺今次「内定」嘅菜式，之前都担心唔可以人人试到，多口一问，原来又喺可以额外再加，基本嘅份量喺一客4件，卖$108，依家加多两件，都只不过加到$168。菊花石榴鸡个名称嘅由来，及其做法唔再多讲，因为上次嘅食评都有分享。而今次再食，一样做得精巧，煎蛋白外皮依然薄透有韧性，内馅嘅鸡肉粒、萝白粒、冬菇粒、冬笋粒、唐芹粒同样刴得幼细无欺场，口感有层次，个玻璃鸡汤茨，淡雅清甜，的确好睇好食 ！
沙茶牛肉炒粿条 $98 可能有少少惯性，最尾点都嗌个炒粉饭面垫垫肚先安心大家食得够饱。沙茶牛肉炒得既香又惹味，食落好腍滑，而炒粿条（河粉）湿湿淋淋，又软软滑滑，当中有蛋花、葱花，味道唔单一，实在炒得唔错 。
另外，我哋顺道庆祝吓，带咗个美心蛋糕嚟，因为喺唔收切饼费（同喺美心集团嘅东海堂都唔收）。最欣赏喺唔收切饼费之外，仲好好招呼，换上新碟，又帮我哋分好6件，兼且切得够平均 。
我哋订咗7:00pm枱，又无时限，一直倾到10:00pm先散，够晒尽庆。连埋茶介、泡菜小食、加一，每人都喺$180左右，认真抵食 。
张贴
