影片
更多
2016-12-24
637 浏览
例行公事 猪小姐又去食最爱嘅日本菜啦！！！浜烧海鲜近排简直系大行其道 越尼越受欢迎 猪小姐当然要潮食啦！今日拣左尼间新开嘅浜烧き Gogogo！地方就脚易揾 尖沙咀站出口一出即到了位于流尚坊四楼嘅浜烧き装潢有著日本原始居酒屋独有风味 有鱼缸养海鲜 墙身挂著日本海产店旗布 比人舒适嘅感觉 亦好适合一班打工仔收工尼relax一番被安排坐于角落位置 自成一角 可以静静地享受同猪先生嘅二人世界 多么好系时候讲下食物啦灸烧平目鱼边沙律卖相讨好 颜色配撘丰富 有沙律菜 蕃茄仔 牛油果 鱼籽 平目鱼边 营养价值相当高选择用日式沙律油做汁 加上黑鱼籽 更显健康 半生熟状态嘅平目鱼边微爽 带有嚼劲刺身五点包括有吞拿鱼 帆立贝 剑鱼腩 油甘鱼及三文鱼摆成三朵刺身花朵一般 摆盘上好有心思刺身全都新鲜厚切令人大感满意 每日由日本空运返港 果然系唔简单 最令人回味嘅系吞拿鱼同剑鱼腩 鱼油感重 口感柔软细嫩 鱼脂味系口腔徘徊 猪小姐对此真的抗拒不了啊重点尼啦！二人前嘅特上浜烧盛合同样有五款 帆立贝 广岛蚝 蟹肉蟹膏 鲍鱼及海老盘上将海鲜排得满满的 十分丰盛 海鲜会由细心嘅店员放系热炉上烧 名正言顺坐系度影相等食首
浜烧海鲜近排简直系大行其道 越尼越受欢迎 猪小姐当然要潮食啦！今日拣左尼间新开嘅浜烧き Gogogo！
地方就脚易揾 尖沙咀站出口一出即到了
位于流尚坊四楼嘅浜烧き装潢有著日本原始居酒屋独有风味 有鱼缸养海鲜 墙身挂著日本海产店旗布 比人舒适嘅感觉 亦好适合一班打工仔收工尼relax一番
被安排坐于角落位置 自成一角 可以静静地享受同猪先生嘅二人世界 多么好
系时候讲下食物啦
灸烧平目鱼边沙律卖相讨好 颜色配撘丰富 有沙律菜 蕃茄仔 牛油果 鱼籽 平目鱼边 营养价值相当高
选择用日式沙律油做汁 加上黑鱼籽 更显健康 半生熟状态嘅平目鱼边微爽 带有嚼劲
刺身五点包括有吞拿鱼 帆立贝 剑鱼腩 油甘鱼及三文鱼摆成三朵刺身花朵一般 摆盘上好有心思
刺身全都新鲜厚切令人大感满意 每日由日本空运返港 果然系唔简单 最令人回味嘅系吞拿鱼同剑鱼腩 鱼油感重 口感柔软细嫩 鱼脂味系口腔徘徊 猪小姐对此真的抗拒不了啊
重点尼啦！二人前嘅特上浜烧盛合同样有五款 帆立贝 广岛蚝 蟹肉蟹膏 鲍鱼及海老
盘上将海鲜排得满满的 十分丰盛 海鲜会由细心嘅店员放系热炉上烧 名正言顺坐系度影相等食
首先烧嘅系帆立贝 加入清酒及酱油同烧嘅帆立贝散发酒香
为方便客人进食 会将肉身切粒 好窝心！口感弹牙 够入味 记得连同精华所在嘅汁液一齐食！鲜味倍增
睇住广岛蚝系热炉上慢慢发热收缩 不加酱汁 原汁原味咁烧大感过瘾 广岛蚝带有偏咸却浓郁嘅鲜味 不错啊！
烧鲍鱼系时间控制上要把握得宜 否则过熟会变韧 浪费本身食材 幸好今次嘅鲍鱼系我入口时候仲系爽弹带甘香 令人惊喜
海老好巨型 大大只 店员将刚刚熟嘅虎虾一分为四 分别为虾头 肉身同尾部 构图上有美感 令人感觉店员十分专业
够新鲜嘅虾不需任何调味已经够鲜美
蟹膏蟹膏加入鹌鹑蛋酱拌匀加热后渗出邪恶诱人香气
嫌单调的朋友仔可以用薄脆薯片伴食 不过猪小姐偏喜欢用匙羹大大啖咁放入口尝鲜 认真满足
系居酒屋必食的当然还有串烧啦！我地叫左几串过下口瘾猪先生食得比较多 猪小姐只有浅尝 我不好肉肉嘛
猪小姐认为免治鸡肉串几得意 加入鸡软骨在内 口感有层次左 芝士铺面 令鸡肉串更显香浓
猪先生则大力推介黑豚腩串及牛舌串 肉质细嫩 肉味浓而不腻
有趣位在于有个备长炭炉 可以比我地「伪」大显身手一番 因为串烧本身已是熟的啦哈哈 好玩又有绰头
今晚又是个饱肚满足的晚上 但荷包血已出啦呜呜 为食好西究竟可以去到几尽……
张贴
