心夜來潮 (已易手) 新餐厅

又去荃湾探朋友兼饭聚, 虽知道呢区食店何其多, 比美旺角, 系唔知食咩好时途经呢间新式潮菜店, 我地不约而同大家对望了一眼就行入去, 点解咁老定? 事关早已系佢既旺角店开过餐!以印有店名既新式胶餐具侍客餐牌提供食物由小食, 海鲜类, 主菜, 炒饭/粉, 主要走平民化路线, 名贵既冻蟹, 螺片呢度唔会揾到!重口味友人率先点左呢碟香辣鱼仔炒蛏子 ($84/2只), 蛏子肉已预先起出, 一夹就食到, 好方便, 肉质爽甜, 但食到少少沙粒, 以大量洋䓤, 青红椒配制而成既豉椒汁, 味道十分惹味, 用黎送啤酒就最岩数!食完D浓味野, 又系时候以呢个胜瓜鲜甜白蚬汤 ($88)冲淡一下味蕾, 材料包括胜瓜, 白蚬及粉丝, 白蚬数量仲多个胜瓜, 蚬肉虽细只但食起黎无沙, 个汤底味道确实比较淡口, 与上一碟炒蛏子形成强烈对比!无需入长洲都有大鱼蛋食, 仲要系超巨型, 呢粒巨型脆香手打鱼蛋 ($34), 炸完后再切成片块, 食落口感带点烟韧, 点D酸辣酱汁食都唔错再加埋呢碟家乡路边炒米粉 ($68), 以香菇, 虾米, 洋䓤, 蛋皮丝, 肉粒一齐炒, 米粉口感食落幼滑, 炒得算干身又唔算油腻, 材料虽简单