Giacomo Ristorante (已結業)

同best friend慶祝生日，上網睇咗好耐，最後揀咗呢間Giacomo Ristorante，位於香港銅鑼灣皇冠假日酒店地下，鄰近銅鑼灣地鐵站，位置方便～資深主廚師承自多家米芝蓮星級餐廳、擁有逾20年烹調高級意大利菜廚藝經驗，同好友都非常期待今晚既菜式！！餐廳裝潢充滿意式品味，藝術風格濃厚～Mayura Beef Tenderloin澳洲和牛牛柳，據說食朱古力長大！厚度適中，肉質粉嫩，入口肉味濃郁，肉汁極豐富！保留軟嫩口感，細嫩鬆化，大愛～Veal Ragu Fettucine小牛肉醬闊條意粉寬條麵煙韌彈牙，小牛肉醬帶點鹹香，口感豐富，味道濃厚！Homemade Fettucine有我最愛既Burrata cheese fondue，口感飽滿細膩，奶味香濃，仲有Datterino tomato、48個月Pata Negra。寬條麵煮至彈牙富嚼勁，推薦～Tiramisu (Dessert) for birthday因為慶祝好友生日，餐廳特別送上Tiramisu，仲係碟邊寫上生日祝福字句，好貼心呢！帶咖啡香氣，口感細緻滑順、香甜不膩～