霸嗎拉麵 (金巴利道) (裝修中)

平时晚晚排晒队，今日专程下午茶时间嚟到，冇乜人，可以直入。餐牌封面非常吸引。点咗个辣豚肉味玉拉面、辣唐扬炸鸡同绿茶可乐。可能系我个人味觉唔敏感，呢支绿茶可乐真系唔系特别饮得出绿茶味，饮落只系好似淡淡地嘅可乐咁。主角拉面出场。旧豚肉极肥，肥得好味冇乜所谓，但系佢得个肥字，肥嘅部份太软，而且冇乜香味，食落只似一旧平凡嘅猪腩肉。玉子质素正常，冇乜特别。面我点咗硬身，口感唔错。但系食拉面系要一口扯晒啲面入口，并唔应该咬断面条，而呢度啲面有时仲痴埋晒一齐，或者打晒结，令到人难以用传统嘅日式食法去食。最后讲个汤，个汤系真系浓到有酱酱地嘅质感，但系饮落其实个味又唔算太浓，只系系条脷上面有种厚重感。个味亦无特出之处，算系好饮，但未至惊喜。炸鸡一上，未影相就食咗旧。炸得香脆，不过鸡味不重。上面嘅辣汁值得大推，非常香辣。食落十分过瘾。整体而言，只系普通嘅拉面店质素。