影片
更多
2022-05-01
377 浏览
浓汤云吞鸡的奥义 前几天，去到土瓜湾揾食，好想食大大件嘅肉，咁啱见到门口午餐牌有$52云吞鸡，图片显示半只鸡浸系度，好吸引，就胆粗粗第一次入去食。 叫完等上菜都等了超过10分钟，内心谂：「呢间厨师都几用心制作㖞，咁耐嘅」 午餐到来，真系吓一跳，然后得啖笑😅第一时间在餐牌上「找相同」......点睇都系差好远，个主角系半只鸡，或者俾只鸡髀都好吖，点知得3旧有骨鸡件。因此决定胆粗粗问店员：「点解....实物同餐牌张相差咁远嘅？？」 店员随即回应：「呢个价钱系咁架啦！」 我：「..........」，然后心想：「到底我要硬食，还是有其他选择？！」跟著，我上网了解吓咩系违反商品说明条例，发现表面证据有哂。我最后决定一啖都唔食，就同店员讲：「呢个餐我怀疑你们违反商品说明条例，餐牌图片显示6粒云吞+似系半只鸡（露出个鸡髀），点知个餐实际系4粒云吞+3旧鸡件（骨占约6成），真系差好远㖞」 店员随即回应：「呢个价钱系咁架啦....」(佢听到可能违法，觉得佢个眼神有D惬） 我话：「如果$52真系咁，唔系问题，餐牌张相显示番实况就得，如我入嚟前睇到呢个「真相」，我就唔会入嚟食，会有其他选择」 店员回应：「
前几天，去到土瓜湾揾食，好想食大大件嘅肉，咁啱见到门口午餐牌有$52云吞鸡，图片显示半只鸡浸系度，好吸引，就胆粗粗第一次入去食。
叫完等上菜都等了超过10分钟，内心谂：「呢间厨师都几用心制作㖞，咁耐嘅」
午餐到来，真系吓一跳，然后得啖笑😅第一时间在餐牌上「找相同」......点睇都系差好远，个主角系半只鸡，或者俾只鸡髀都好吖，点知得3旧有骨鸡件。因此决定胆粗粗问店员：「点解....实物同餐牌张相差咁远嘅？？」
店员随即回应：「呢个价钱系咁架啦！」
我：「..........」，然后心想：「到底我要硬食，还是有其他选择？！」跟著，我上网了解吓咩系违反商品说明条例，发现表面证据有哂。
我最后决定一啖都唔食，就同店员讲：「呢个餐我怀疑你们违反商品说明条例，餐牌图片显示6粒云吞+似系半只鸡（露出个鸡髀），点知个餐实际系4粒云吞+3旧鸡件（骨占约6成），真系差好远㖞」
店员随即回应：「呢个价钱系咁架啦....」(佢听到可能违法，觉得佢个眼神有D惬）
我话：「如果$52真系咁，唔系问题，餐牌张相显示番实况就得，如我入嚟前睇到呢个「真相」，我就唔会入嚟食，会有其他选择」
店员回应：「呢个价钱系咁架啦.....咁你想叫其他咩餐呢？唔保证份量㗎㖞」
我回应：「我饮咗冻奶茶，只系俾番呢杯茶钱（$15），餐饭我无食唔会俾钱，也唔想叫其他嘢食，因为实在太离谱」跟著俾完茶钱就走。
自问对食物款式和味道都好包容，呢次真系包容唔到。
张贴