京都抹茶屋 (已結業)

呢间餐厅既餐牌好少会有咩变动，无论系假日定平日，餐牌上面既选择都几乎系一模一样，分别只系在于价钱，80几蚊既餐就会变左100几蚊，仲冇埋杯餐饮添，变得唔系几抵，建议平日去食会好啲。平日黎呢到唔使点等位，一般黎讲等几分钟就入得。今次嗌左8号餐，温泉蛋寿喜牛肉锅定食，餐饮用半价换左做草莓雪糕奶昔，大概加$10几蚊啦。岩岩上台既时候啲牛肉都未熟哂，浸多一一阵先食就岩岩好，唔会太老亦唔怕会太生。锅入面既配料都好多，例如有：金菇，粉丝，冬菇，娃娃菜。我习惯将只温泉蛋捞落啲饭到，捞埋啲头，有啲似细个食汤捞饭咁，食落好香 好好味，因为汤底够浓郁。而杯草莓奶昔就好足份量，上面既雪糕系用北海道3.6牛乳做既，成杯有一半都系雪糕，当甜品食都冇问题。环境方面呢，呢间铺系用左开放式设计，铺仔细细但唔会好迫，座位都阔，啲凳系梳化凳所以坐得好舒服。