鯛魚湯專門店 (已結業)

响某饮食杂志度见到个广告好吸引，咁岩又系讲紧我最钟意食嘅海胆同埋蟹脚， 甘啱系我返工附近都有一间，我梗系第一时间约埋朋友嚟食吓啦！门口好易认，个招牌系电视嚟嘅，随时都播紧招牌动画。内在环境都算阔落。而家新开张仲好似有优惠特价。除咗鲷鱼汤饭之外仲有好多其他小食。我哋叫咗一个海胆鲷鱼汤饭，汤饭上枱嘅时候仲有火热住，以免鱼汤便腥，好细心！海胆份量都唔少而且好鲜！鲷鱼汤底好香又甜，一d都唔油！仲有粟米，黑木耳等伴菜！饭系用上日本米来淆，充满鱼汤嘅鲜味！好好味！之前完全无试过！另外叫咗个皇帝蟹脚鲷鱼汤乌冬，鱼汤汤底嘅味道无饭咁浓，相对较淡味，乌冬用日本乌冬，无平时果d咁淋，有咬口。蟹脚多肉有鲜甜！我哋做额外加左配料要鲍鱼，鲍鱼完全吸收左鱼汤嘅鲜味！好淋！帆立贝肉厚又甜！大大只！总括来讲，如果钟意食浓味一啲嘅会建议叫饭会较好！味道会较突出而且鲜味！