影片
更多
2023-05-10
1162 浏览
风云丸 Fuunmaru📍尖沙咀么地道30号Mody House地舖呢日朋友陪我去尖沙咀牙科复诊，完咗之后我哋喺附近揾咗一间拉面店食。其实每次经过我都想食㗎啦，因为见亲都要排队，而且门面好多个灯笼，感觉都几有日本风。啱啱好，赶喺lunch hour前几个字入咗去坐，唔洗排队，到走嘅时候餐厅已经坐满咗拎住一袋二袋嘅内地客，真系好彩！呢度嘅嘢食选择都好多，而且近乎每一样都可以按个人喜好作口味上嘅安排，例如可以选拣面嘅软硬度、汤底温定冷、葱嘅份量同埋要唔要笋之类。虽然对于选择困难症嘅人嚟讲应该系一大恶梦，但系我就钟意呢一种可以自己按口味选择嘅餐厅，因为佢甚至连份量都可以选择，咁就唔会怕食得唔饱，又或者食唔晒好浪费啦！ 💰$93豚骨鱼介拉面 🍜我一向都钟意食拉面多过沾面，所以每次都系我食拉面，朋友就被我安排食沾面。而我好钟意食拉面嘅原因，就系因为我好钟意饮汤，觉得有汤浸住嘅面特别好食！而喺拉面当中，我最钟意食嘅一定系豚骨拉面，呢一度嘅拉面更加得我欢心，因为我系鱼介粉嘅超级fans！虽然佢唔系我喺香港食过最好食嘅豚骨拉面，鱼介粉亦唔系俾得特别多，但系胜在两者味道非常融和，面条亦可以索尽汤底嘅精华
📍尖沙咀么地道30号Mody House地舖
呢日朋友陪我去尖沙咀牙科复诊，完咗之后我哋喺附近揾咗一间拉面店食。其实每次经过我都想食㗎啦，因为见亲都要排队，而且门面好多个灯笼，感觉都几有日本风。啱啱好，赶喺lunch hour前几个字入咗去坐，唔洗排队，到走嘅时候餐厅已经坐满咗拎住一袋二袋嘅内地客，真系好彩！
呢度嘅嘢食选择都好多，而且近乎每一样都可以按个人喜好作口味上嘅安排，例如可以选拣面嘅软硬度、汤底温定冷、葱嘅份量同埋要唔要笋之类。虽然对于选择困难症嘅人嚟讲应该系一大恶梦，但系我就钟意呢一种可以自己按口味选择嘅餐厅，因为佢甚至连份量都可以选择，咁就唔会怕食得唔饱，又或者食唔晒好浪费啦！
[价钱 Price]
💰$93
豚骨鱼介拉面 🍜
我一向都钟意食拉面多过沾面，所以每次都系我食拉面，朋友就被我安排食沾面。而我好钟意食拉面嘅原因，就系因为我好钟意饮汤，觉得有汤浸住嘅面特别好食！而喺拉面当中，我最钟意食嘅一定系豚骨拉面，呢一度嘅拉面更加得我欢心，因为我系鱼介粉嘅超级fans！虽然佢唔系我喺香港食过最好食嘅豚骨拉面，鱼介粉亦唔系俾得特别多，但系胜在两者味道非常融和，面条亦可以索尽汤底嘅精华！
佢嘅豚肉叉烧虽然只有一块，但都几厚身，脂肪同瘦肉嘅比例适中，肥瘦恰到好处，而且肥肉嘅部份入口即溶，瘦肉唔会干柴，同一般圆形状嘅叉烧口感好唔同！整体嚟讲佢唔算系我食过喺香港最好食嘅拉面，但都不失为一个好嘅选择！
[价钱 Price]
💰$103
石烧浓厚鸡叉烧鱼介味玉沾面 🍜
佢哋嘅沾面系用日本小麦粉，每日新鲜制作而成，所以咬落满满麦香味，挂汤力十足！而汤底系以大量日本猪骨熬制长达10小时，加入濑户内海出产嘅海鰯鱼制成嘅鱼介粉，猪骨同鱼嘅精华都融入晒喺汤底里面。加上呢款沾面系用咗特制嘅石锅装住个汁，最高可达摄氏300度，令到个汁食到落尾都系热辣辣！
佢个汁色水好深，味亦好浓郁，配住弹牙偏重麦味嘅面条嚟食就最啱啦！成个沾面令我最惊喜嘅位就系佢嘅鸡叉烧，用嘅部位非常嫩滑，包住鸡叉烧嘅鸡皮亦唔重油腻感，少少嘅焦香令到佢更加香口，比起一般用猪肉做嘅叉烧更好味！
如果唔叫味玉，唔使$100有找，但系我哋都好认同只蛋真系食得过，蛋黄呈深橙色，系温泉蛋嚟㗎，半流心嘅蛋黄真系特别好味！
[价钱 Price]
💰$20
香松饭 🍚
一碗100g嘅白饭加上紫菜同饭素，喺食晒拉面之后可以加入汤底里面整成杂炊，食尽汤底精华。饭素味道普通，白饭量亦唔多，性价比唔算高，试过一次后下次未必会再叫。
张贴
