影片
更多
2019-01-18
6680 浏览
老婆嘅教会年年元旦都会搞大旅行，次次都大规模架，不过，因为年龄层分布广，所以，要搞去边都好有难度。今年，就去咗大埔海滨公园，然后再到沙田嘅丽豪酒店食自助午餐。呢间餐厅几年前都嚟过，同样都喺食午餐。一行百几人浩浩荡荡嚟到「濠餐厅」，因为我哋都嚟得早，到步都未够12:00pm，所以，本来颇空荡嘅用餐区一下子被我哋塞到爆。环境装修简约，我哋刚好被安排坐晌落地大玻璃旁，光猛更感开扬。先介一吓午餐有咩嘢食，虽然，睇匀就唔觉有咩贵价嘢喇，但种类、款式都算多。而大部分食物都集中晌中央区，其次嘅，甜品及饮品就安置晌附近另一组区域。沙律、生果5大盆沙律菜、10多款配料、4款酱准就喺组成沙律吧嘅阵容，话多唔多，话少唔少咁啦。唔钟意自己搞嚟搞去，仲有8款预制好嘅沙律，喺沙律嘅懒人包。沙律旁放有几款生果，喜欢嘅话亦可以拼埋沙律一齐食。冷盘、芝士盘冷盘类有啲烟三文、切肉肠、肉卷……之类，款式较大路常见，唔算好特色。反而，芝士嘅选择就比预期多㖞，有成4款，有软，有硬，但最钟意喺佢已经切好晒一嚿嚿。惯性，第一碟点都喺要食啲沙律及生果先，坚可以开开胃增加战斗力，因为沙律阵容都唔算强劲，就再配啲冷盘嘢，就成为小弟嘅头盘
一行百几人浩浩荡荡嚟到「濠餐厅」，因为我哋都嚟得早，到步都未够12:00pm，所以，本来颇空荡嘅用餐区一下子被我哋塞到爆。环境装修简约，我哋刚好被安排坐晌落地大玻璃旁，光猛更感开扬。
先介一吓午餐有咩嘢食，虽然，睇匀就唔觉有咩贵价嘢喇，但种类、款式都算多。而大部分食物都集中晌中央区，其次嘅，甜品及饮品就安置晌附近另一组区域。
沙律、生果5大盆沙律菜、10多款配料、4款酱准就喺组成沙律吧嘅阵容，话多唔多，话少唔少咁啦。唔钟意自己搞嚟搞去，仲有8款预制好嘅沙律，喺沙律嘅懒人包。沙律旁放有几款生果，喜欢嘅话亦可以拼埋沙律一齐食。
冷盘、芝士盘冷盘类有啲烟三文、切肉肠、肉卷……之类，款式较大路常见，唔算好特色。反而，芝士嘅选择就比预期多㖞，有成4款，有软，有硬，但最钟意喺佢已经切好晒一嚿嚿。
惯性，第一碟点都喺要食啲沙律及生果先，坚可以开开胃增加战斗力，因为沙律阵容都唔算强劲，就再配啲冷盘嘢，就成为小弟嘅头盘。整体唔错架，啲食材够鲜，淋上好多法式沙律汁，确喺好醒神。
餐汤、面包如大多数自助餐，都喺一款中汤，一款西汤，虽然有个牌仔，不过都只喺写住「中式例汤」，饮落先知喺乜。而餐汤旁就放咗多款面包，软硬兼备。
食完第一转「生冷嘢」过后，揾啲餐汤暖暖身，明明初头记得喺野菌汤，话咁快无晒，到小弟拎嘅时候已变为甘笋汤，个汤做得几滑，而且，甘笋味劲出，搭一个欧黑麦包及草脆饼，配点心水芝士，其实，平常净喺咁食都可以当一餐。
冻海鲜一向啲人想回本就会晌冻海鲜度抢滩，亦喺尽见港人贪婪之地，因为见过有两枱人，一趁长蟹脚翻货，亳不留情就扒满一整大碟。稍为贵价啲嘅只有长蟹脚，其次仲有青口、大蚬、冻虾、翡翠螺，补货较慢。
刺身、寿司、和食虽然，小弟晌自助餐一向都好少食呢个类别嘅菜式，皆因质素普遍都喺普通货色，不过，都稍稍介绍下。刺身有3款，包括三文鱼、油甘鱼及希灵鱼，再另一边有啲乌冬、冷面、墨鱼仔及什锦寿司。
热盘由于客人太多，都好难咁慢慢影相，加上小弟今日状态一般，食嘅嘢唔太多，唔能够介绍得太详细。热盘嘢凭记忆及相片，大概有16、17样左右，选择唔少，足够应付到绝大部份人嘅需要。
印度咖喱虽同属热盘嘢，但都专登分开嚟写，因为真喺将食物区一角全摆放咖喱类食物，而且，更放咗清真认证证书出嚟，表示啲鸡牛羊喺经过颂经，适合信奉回教人士享用。
烤肉由头到尾，见佢都喺主要得烧猪脾，如果有多款西冷或肉眼就好嘞。
今日确实状态不足，所以，热盘类食物就唔多拣，只喺一碟过有啲冻海鲜、又有啲肉。因为试嘅嘢唔多，评论都未必全面，只可以讲合格有余。
池畔烧烤由于由电梯一转就进入餐厅范围，所以，好少人留意到出面泳池旁仲有一个户外烧烤区，当中更提供原条烧鱼，仲有鸡翼、猪扒、烤野菜、菠萝……等等。
因为都想食番多啲蔬菜，以及有我心水嘅烧菠萝，所以，专登执咗碟烤蔬菜返嚟，热辣辣嘅茄子、翠玉瓜、鸡脾菇及烧菠萝，晌冷天食就更感滋味。
甜品由门口位，再转角嘅长枱，摆咗好多甜品，的的骰骰又有、原个装蛋糕又有、中式西式兼备、即制班戟机啦……等等，概略目测，绝对超过廿款。
Dreyer's雪糕、Fruttato Gelato午餐都有呢两个品牌嘅雪糕，算喺咁喇，而且，放满两大个雪糕柜，口味亦有唔少，虽然状态未喺十足，但点都要浅尝番少少。
平常见我嘅自助餐食评，最尾就梗喺一大碟甜点，今回就只拣几款心水款式。一向食开甜品嘅我，对今次嘅甜品都觉得唔错，算唔上好高质，但做得有办有眼，最钟意喺个榴梿雪糕，劲榴梿味，不过，佢本身雪到好硬，真喺摊咗好耐先易入口。
饮品呢方面比唔少高星级嘅自助餐选择多，除啡茶，一入门口位就有好多韩国乐天嘅罐装饮品，任攞任饮，立时有啲似去咗食日式放题或任食韩烧，哈哈！
上番官网睇，假日嘅自助午餐正价要$298，但某啲信用卡最低做到65折优惠，折咗即喺二百头，比起尖沙咀、铜锣湾嘅星级酒店平一大截，老实讲，整体质素就唔算好高，却喺算多嘢食，咁嘅价，都算值搏嘅！
张贴
