正潮樓

营业中

休息中

今晚黎按老公放工，之后去附近揾间坐得舒服既中菜馆，，坐低饮个壶茶已经好香，问服务员原来叫「单松茶」，系一种潮州茶。我哋点咗：潮式豆浆焗嫩鸡热辣辣、一上枱就已经闻到好香嘅普宁豆浆，加上烧酒嘅香，鸡肉嫩，好入味。普宁豆浆系潮州嘅独有，只有潮州菜馆先可以食到。糖醋煎伊面煎得好香脆，幼面嘅独特味道，加上韭黄粒嘅香，仲有白糖同埋红醋嘅精髓，多重味道重叠，好好食呀！腩肉炆凉瓜苦瓜炆得好甘香，能够突出苦瓜嘅甘甜，好出色。冬菇炆得好腍好滑，菇味出晒嚟。腩肉晶莹剔透，咬落脂肪香立即出晒嚟，脂肪位好滑好香，如果将苦瓜同埋腩肉夹埋一齐食，又香又滑，一啲都唔肥腻👍🏻甜椰汁雪耳超香椰汁味，雪耳劲滑，好养颜又好味，饭后甜品不能错过！