盈記四季養生麵館

营业中

休息中

平日食得多好西，都想食啲健康啲嘅晚餐，所以今日就去咗湾仔呢间药膳汤底嘅面店。我同朋友叫咗药膳农场鸡虫草花养生汤米线同药膳杂丸养生汤米粉，大家都系药膳汤底，可能因为落咗红枣，饮落去甜甜哋，汤料仲有杞子同木耳，食完面之后都想饮番两啖汤。米线够弹牙，加咗鸡令汤底有鸡汤嘅感觉，而且有鸡脾，肉质几嫩滑。米粉就健康啲，杂丸有墨丸同贡丸。墨丸有墨鱼味，亦好咬口，贡丸都好高质，好重猪肉味。餐厅好多𩠌都系有药膳成份，我哋就叫咗药膳上汤浸时令菜，生菜嫩绿之余带少少药膳汤嘅甜味。我哋各自叫咗杯柠水同柚子蜜滋润下。