影片
更多
2024-02-29
475 浏览
餐厅：Forkers (湾仔)地址：湾仔骆克道33号万通保险大厦地下A号舖湾仔骆克道呢间扒房Forkers，喺土瓜湾经营咗接近4年之后搬咗过嚟，上年9月重新开张🎊，短短接近半年时间已经吸引咗唔少人过嚟聚餐食饭🍽️，究竟佢哋有咩咁吸引呢😎？原来老板喺西班牙西南部有个独家农场，专门饲养提供比餐厅嘅西班牙伊比利亚黑毛猪，而矜贵之处在于呢啲黑毛猪主要食橡果，令猪肉带有独特榛子香🌰。有好嘅食材，又点可以无好嘅大厨？餐厅两个大厨，一个拎过米芝莲荣誉，一个喺酒店出身，包你喺度食到高质素嘅美食😌坐低无耐，店员送上自家烘焙Focaccia(意大利香草面包)🥖、酸种面包同用咗红洋葱、红菜头整成嘅紫色面包，配埋自家制烟熏茄子酱同香草牛油🧈，确实喺一个good start👍。当然唔少得风干咗超过48个月嘅手切风干伊比利亚黑毛猪火腿，入口有阵阵豚脂香同果香，一啲都唔咸唔腻，容易入口又好食🤤叫咗餐厅嘅dinner Menu，每人$498起包前菜、主菜、Side dish、甜品同咖啡或茶🍵，仲可以额外加海鲜🦐、意粉🍝，甚至Wine Paring都一样有🍷前菜拣咗是日餐汤——南瓜蕃茄忌廉汤同烟熏鳗鱼，酸甜适中嘅忌廉汤c
地址：湾仔骆克道33号万通保险大厦地下A号舖
湾仔骆克道呢间扒房Forkers，喺土瓜湾经营咗接近4年之后搬咗过嚟，上年9月重新开张🎊，短短接近半年时间已经吸引咗唔少人过嚟聚餐食饭🍽️，究竟佢哋有咩咁吸引呢😎？
原来老板喺西班牙西南部有个独家农场，专门饲养提供比餐厅嘅西班牙伊比利亚黑毛猪，而矜贵之处在于呢啲黑毛猪主要食橡果，令猪肉带有独特榛子香🌰。有好嘅食材，又点可以无好嘅大厨？餐厅两个大厨，一个拎过米芝莲荣誉，一个喺酒店出身，包你喺度食到高质素嘅美食😌
坐低无耐，店员送上自家烘焙Focaccia(意大利香草面包)🥖、酸种面包同用咗红洋葱、红菜头整成嘅紫色面包，配埋自家制烟熏茄子酱同香草牛油🧈，确实喺一个good start👍。
当然唔少得风干咗超过48个月嘅手切风干伊比利亚黑毛猪火腿，入口有阵阵豚脂香同果香，一啲都唔咸唔腻，容易入口又好食🤤叫咗餐厅嘅dinner Menu，每人$498起包前菜、主菜、Side dish、甜品同咖啡或茶🍵，仲可以额外加海鲜🦐、意粉🍝，甚至Wine Paring都一样有🍷
前菜拣咗是日餐汤——南瓜蕃茄忌廉汤同烟熏鳗鱼，酸甜适中嘅忌廉汤creamy得嚟，同时品尝到南瓜同蕃茄鲜香🎃🍅；
烟熏香味癖除咗鳗鱼嘅腥味，加上橄榄油配埋香脆多士一齐食仲别有风味
主食先有chef special(+$128)——油封东星斑🐟，呢种法式油封做法喺将食材浸喺油当中再以低温处理，保留鱼腩部位嘅软嫩质感同水份，亦唔似高温油炸咁令东星斑变得油腻，反而食到啖啖鲜味😍，加上柠檬牛油汁同东南亚香草嘅配搭🌿，连同菠菜、瑶柱、芦笋、红椒、南瓜等配料，够晒清新健康，不过要小心唔好比鱼骨拮亲呀😝
另一个主食叫咗Taste of Iberico(+$128)，用嘅部位喺猪肩梅头肉🐷，肉质软嫩、肉汁丰富💦，带有啲脂肪层，相对其他部位无咁膻，加上特级初榨橄榄油、炸蒜片一齐食又喺另一种滋味
Side dish叫咗凯撒沙律同烤芦笋，前者除咗爽脆嘅罗马生菜🥬，仲有巴马臣芝士碎、香脆面包糠同咸香火腿；
后者爽嫩配埋五大经典法式酱料之一嘅荷兰酱，带嚟微酸开胃、浓稠顺滑嘅口感最后甜品有Sweet同Savory各一嘅Cappuccino Cake同红莓Charlotte🧁，
Cappuccino蛋糕有三层，最底有香脆朱古力曲奇🍪，中层有滑溜咖啡布甸、最顶喺滑得嚟Airy嘅牛奶mousse，洒埋可可粉喺面，层次相当丰富；
红莓Charlotte喺手指饼形状嘅海绵蛋糕当中，放咗3款唔同酸香程度嘅红莓，虽然黑加仑子有少少太酸🤏，但的确中和咗唔少成餐积落嚟嘅饱滞感，喺唔喺意味可以再食下餐😆
张贴
