雄記美食

营业中

休息中

要食雄记美食，首要条件系follow 雄记美食 instagram 捕捉佢哋营业时间，因为佢哋每朝早都会出post讲佢哋会唔会开铺；有时因为货源唔稳定，无新鲜牛杂所以老板们决定休息去饮咖啡。有日，我终于得闲咁啱撞到佢哋有开铺就即刻飞车去食！！难得一场嚟到我就尽全力叫晒餐牌上我想食嘅嘢，价钱经济得嚟份量唔算好多所以都轻松食晒，会认识呢间餐厅都系朋友介绍加上youtube有睇过不同平台简介而知道佢哋嘅出品系心机之作闻名！ 食过之后都认同佢哋食物带层次同心机；由最花时间清洗嘅猪同牛杂到甜品腐竹糖水嘅浓浓黄豆香，煎蛋肠粉嘅生熟蛋浆比例都真系出乎我对小店嘅要求。猪杂粥$35肠粉加煎蛋$24咖哩牛腩捞粗$50鲜牛杂淮山面$50腐竹糖水$10(跟餐价)呢到不论职员，老板，定熟客都有种好似识咗好耐嘅同声同气感觉。 感觉就好似人在异地揾到间终于识讲广东话嘅铺头亲切一样。