拾味山西刀削麵館

营业中

休息中

今晚放工好攰，只系想食碗简单嘅面，跟住就返归啦！依间餐厅虽然唔近地铁站，但系你喺时代广场个出口穿过鹅颈桥街市行过嚟呢都系大概5分钟左右。今日就简简单单要咗碗牛腩热拌刀58蚊，加饺子$10蚊，再加杯$6嘅冻豆浆， $74就可以落楼啦！刀削面出名即叫即整，弹牙可口，热捞配上豆瓣酱，微微甜辣味，十分过瘾。另外，牛腩好入味，一夹起花椒八角香味扑鼻，入口有些许咬口但唔会韧。喺香港呢个讲求速度嘅地方，能够做到即叫即整，好难得！我坐喺度嘅时候，就见到员工呢就系旁边包饺子，证明所有嘅食材都系用咗好多心血，绝对唔系机器做㗎 ！所以先会咁好食，大家经过湾仔就要试吓啦！