川亭 (聯發街)

营业中

休息中

前排去咗湾仔利东街，就简咗附近一间街坊小店试下，餐厅主要食四川菜。虽然天气好热，但餐厅有凉面可以食，同埋菜式都可以简辣度; 就算食唔到辣，都可以要求餐厅走或少辣，我嘅朋友唔系好食得辣都照食到。🍜 川亭口水鸡凉面 加配套餐 [🧄手拍青瓜(蒜泥) + 🍵无糖乌龙茶] 口水鸡嘅份量非常多，肉质嫩滑，虽然好似落咗好多辣椒油，但味道一啲都唔辣。凉面嘅份量非常多，仲配咗好多青瓜丝，非常清爽，而酱汁味道偏酸，非常开胃。我同朋友都加配咗套餐，包一份小食同饮品，小食就简咗蒜泥青瓜，青瓜吸收哂蒜香味，好岩钟意食蒜嘅朋友。🍜红烧腩肉面 加配套餐 [🥬生菜 + 🍵无糖普洱茶] 腩肉肥瘦适中，都炆到好淋; 汤面有得选择唔同嘅汤底，最尾就简咗酸辣汤底走辣，职员话如果食食下想要啲辣，可以自己额外再加，非常贴心; 生菜份量都几多，仲有啲鼓油淋咗喺菜嘅面上。