尚夢・茳煳 (已結業)

上次嚟过湾仔呢间新派精品中菜食午市好满意，所以再嚟帮衬试下晚市小菜。餐厅上个月先装修完所以好新净，环境更雅致，而且座位宽敞坐得舒服，更有部分卡位。餐牌上有好多选择，前菜、肉类、海鲜、炒粉面等等都有。首先上菜嘅系炖汤。呢度嘅足料炖汤系必点！款式每日不同，每晚有两款炖汤供应。是日炖汤系姫松茸螺头猪𦟌汤，姫松茸嘅香味加埋螺头嘅鲜甜好好味炖汤用蜡烛烘住保温，好贴心，慢慢饮都唔惊会冻咗。石榴果干糖醋咕噜肉摆盘精美，咕噜肉表面炸得酥脆，糖醋汁味道酸酸甜甜好开胃，配上味道清新嘅石榴，估唔到咁夹秘制宫廷香烤骨上枱后先切开，可见猪肥瘦相间有层次，但唔似东坡肉用五花腩咁油腻，而且焖得好腍，食落肉质松化有少少软骨位，可以食埋。个汁带微辣够晒惹味，送饭一流茳湖炒饭炒得好靓米饭干爽粒粒分明，有镬气得嚟唔会油腻！配料有蟹肉、蛋白、茶瓜、杞子等等好足料。食完仲有甜品送有糯米糍或桂花糕拣。糯米糍口感烟韧，以为系平时常见嘅芝麻或者红豆馅，点知系凤梨馅，好似食紧凤梨酥咁，有惊喜！总括嚟讲食物精致质素高，餐厅环境几好坐得阔落舒服。下次会同屋企人或者朋友嚟再帮衬。