錫池 (已結業)

今日嚟到湾仔呢间日式餐厅，个位置都有啲难揾🙈一入到去，就望到个装修好靓，环境几好💞餐牌有好多款lunch set, 全部都包左沙律/炖蛋、白饭、汤、饮品同甜品😋好抵食👍🏻我地分别叫左杂锦刺身、杂锦寿司、同埋安格斯牛肉铁板烧～三样嘅份量都好多，而且牛肉烧得好香，个汁都同个牛肉好夹🤤另外，炖蛋亦都好出色😍热辣辣～好好味👍🏻刺身同寿司就好新鲜～最后就系甜品啦，有三款口味嘅雪糕：豆腐、黑芝麻同柚子，三种都各有特色，我个人觉得黑芝麻系最好食🥰不过餐厅上菜有少少慢，饮品同埋炖蛋都好迟先到，希望佢地有待改善～