黑龍

营业中

休息中

行过湾仔见到呢间拉面店挂咗个日式红灯笼 真系好似一秒去咗日本咁 入到去都一样咁日式 有吧台可以睇住厨师煮拉面㗎😙杂锦配料拉面一见到个menu就觉得呢个好吸引🥰 因为呢一个有齐晒唔同嘅配料 包括有炆得好腍嘅牛筋 入口即溶嘅三层肉叉烧 肉质厚实嘅猪肩叉烧 同埋拉面配料 木耳 酱油蛋 海苔 笋 炸蒜 葱等等🍜 拉面嘅汤底系猪骨汤 非常浓郁 面底有得根据自己嘅喜好选择软硬程度 有齐咁多款配料真系好丰富黑龙叉烧饭呢个有两个size分 我哋嗌咗个细嘅 但系都非常之足料 叉烧好软身 肥瘦分明🐷 身边仲有酱油蛋笋同埋海苔 底下嘅米用上珍珠米 个饭偏干身少少 如果有多啲汁就好啦😹 整体都好满足 食完真系好饱肚小食饺子 呢个饺子有得用优惠价配生啤 感觉更加抵食🥟 入面嘅馅料主要系椰菜同埋猪肉 仲好香麻油味添 侧边仲有醋可以调味 另外嗌咗一份章鱼烧 上碟时热辣辣 外脆内软 质素拍得上出边嘅小食店🦑 饮品Suntory 生啤 可以同朋友啤啤佢🍺 另外嗌咗个Zero 配拉面一样好夹🥤呢间嘅食物质素都唔错 同喺日本食到嘅差唔多味 好正宗嘅感觉🇯🇵 特别钟意佢哋嘅叉烧 真系好好食😋