金兜記海鮮菜館

营业中

休息中

朋友话想食生炒骨同饮老火汤，咁我揾下揾下发现左呢间金兜记。见招牌菜有我钟意食既烧乳猪，而且地方又几静，好岩倾计食饭，咁就决定去试下。由于时间尚早我地就由湾仔太原街街市行过去，顺便当行下街睇下玩具。其实直上太原街系交加街转左直行再转右都唔使5分钟就到。期间见到有间潮菜馆都好似好得，下次要试。题外话，原来湾仔尚翘峰就系正街市楼上咋！我地睇完一轮菜牌，竟然冇生炒骨!? 只有咕噜肉 (朋友话两样野好大分别㖞!)。最后落单 ﹕甘笋粟米煲唐排两碗 $28一碗 (一煲就$98) – 超细碗，一碗系等于屋企两壳汤啦，味度好一般，冇咩料到。 招牌乳猪例牌 $108 (1/4只系$128)– 份量一般，皮是卜卜脆，肉连骨好香脆，果然系招牌菜 !姜葱美国桶蚝煲 $128– 蚝都算大只，非常好味，有意外惊喜丫!茶 $8一位 (我地叫左水仙但冇咩茶味)酸菜 $4 一位 两𩠌一汤，都冇叫，甜品都食唔落，但好饱㖞 ! 不过我估系我地细食。