忠記粥品 (立興大廈)

营业中

休息中

最近过节食滞咗，晏昼想食清啲，同事就推荐咗忠记比我。佢哋中午劲多人，外卖要预早半个钟落order。我同同事5个人用外卖app order 仲额外有折扣。好似我咁叫咗一碗皮蛋碎牛粥再加一件蒸萝卜糕，都衹系卖22蚊。系湾仔区22蚊就可以食饱饱，超抵玩。皮蛋碎牛粥打开盖仲热辣辣，有少许葱花系粥面。粥底好绵，唔会话稀登登好似水咁。 皮蛋同碎牛适量， 整体唔错。萝卜糕佢哋嘅萝卜糕系完全冇虾米同腊味嘅，全素。食落有萝卜丝略嫌少咗啲。 加少少豉油吊下味，清清地都唔错。酱汁豉油要自行添加，外卖嘅记得要自己落哂酱料先好走。