僕之拉麵 (已結業)

今日又黎旺角行街睇玩具～諗起呢度有間拉麵🍜店就專程過黎食！今次叫左兩個都係清湯，一個係「特選拉麵」，之後一個「基本拉麵」而清湯都有得選擇咩口味～我地就叫左一個鹽味一個醫油味～鹽味果個今次決定加錢加多個蝦油🥰果然冇令我失望😍加左蝦油後湯底有煎蝦既味道～感覺又唔同左層次🤤麵身軟硬適中～粒糖心蛋都係幾時都咁出色，好滑好甜～特選拉麵既火炙叉燒都係我每次會想再食既野～肥美既叉燒焦焦地既外層食落好香！之後仲有左兩條蟹柳～好大條😋應該係有係油鑊浸左下～口感岩岩好～唔會一夾就散🥰都有每次食必叫既章魚燒小丸子🐙～外層脆卜卜內裏軟棉棉每粒都食到有章魚粒～店內職員都好nice，今餐好滿足😋