圓點工房

营业中

休息中

都系附近冇乜好嘢食，唔想食来食去同一间，系OpenRice就揾到呢一间啦，见佢排名好前，谂住质素有返咁上下，点知都系伏。其实佢个Menu就好吸引嘅，西餐大众嘢，有猪扒有鸡扒有鱼柳薯角等等等等，都应该冇乜问题，点知食第一啖就出晒事。本身呢间餐厅呢都好多人， lunch时间全场爆满，可能因为呢个原因，所以食物质素冇乜保证。我哋四个人嗌左四个餐， share一齐食，其中有个系猪手有一个系春鸡有个系沙律，咁猪手啦，又硬又干完全咬唔到，春鸡都还好，起码仲有鸡髀𠮶个位食得落口，啲鸡胸肉真系完全冇人想食，沙律都系入得口嘅嘢食，咁但系沙律都系捞出黎，评论唔到厨房煮嘢食嘅质素，真系煮嘅炸嘅就数薯角最好食，质素如何，你明啦。不过都系果句，火炭来讲，算系咁啦。