火舞町 (已結業)

1️⃣琥珀核桃小鱼干呢个系小小前菜，小鱼干混合琥珀合桃，甜甜地，烟烟韧韧，亦都有食到合桃嘅脆口，口感几好几有层次，刺激下味蕾！2️⃣上刺身盛套餐入边另外一款菜品，刺身有五款，吞拿鱼虽然唔系拖罗，但都都好鲜甜，有啲筋，几有咬口，三文鱼都好肥美，剑鱼腩都系鲜甜肥美，另外甜虾都好鲜嫩，仲有赤背都好爽口，全部都好好食！3️⃣南非鲍鱼鲍鱼好大只，原只切开，用铁板微微烧香，口感仲系好爽嫩，再加埋啲三文鱼子喺上面，双重口感！4️⃣日本A4十胜和牛薄烧和牛虽然系薄烧，但系份量都好多，又唔会烧到好熟，仲有啲粉嫩嘅颜色，烧得啱啱好，薄烧更加食到和牛既软腍，口感入口即化，牛味好重，超正！5️⃣香煎澳洲龙虾尾龙虾尾系呢个餐既焦点，龙虾肉够晒大旧，肥美鲜甜，烧香佐味道更浓，龙虾香味渗晒出黎！6️⃣法国鹅肝鱼子酱多士（二食）呢个都系另外加配既，食法有两款，焦黄色既鹅肝上面系蟹子，味道咸鲜突出；白色既系苹果，再加试鱼子酱，鹅肝酱同多士，中和番鹅肝既油腻感觉！