華洋冰室

营业中

休息中

見到粉嶺火車站金記冰室轉左另一間店, 叫華洋冰室, 望到都有d位, 唔算太多人, 入去叫我坐單人梳化卡位, 望下餐牌有幾版, 用QR code落單, 叫左個鮑魚絲火腿🥩通粉配忌廉湯底, 蒜香🧄多士🍞配3.6牛乳炒滑蛋🍳, 叫左杯熱駌鴦, 等左一陣, 蒜香多士🍞配3.6牛乳炒滑蛋🍳先來, 賣相都幾靚仔, 唔洗好耐也送來鮑魚絲火腿🥩通粉配忌廉湯底,, 先試多士, 都係脆, 食到蒜頭香味🧄, 都算唔錯😀, 再食3.6牛乳炒滑蛋🍳, 食落都幾香幾滑, 有d暖暖地, 都算係敢, 再食通粉, 第一啖食落去覺得個湯有d咸😅, 通粉係有條紋,食落唔會煮到勁淋, 份量都唔少, 鮑魚同火腿絲都比得幾多, 面有幾粒菜心, 好精緻😗👍, 再飲熱駌鴦, 第一口飲落有d難飲, 苦得滞, 但又唔係完全係咖啡的苦, 唔太識形容, 只飲幾口便算😂, 不過38元都算係抵食, 方便之選, 不可以要求太高😁