烏蠅館 (新都城中心二期) (已結業)

今晚同同事庆祝生日，佢拣咗去这间小店食烤鱼。店舖有几张二至四人枱，整齐企理，环境光猛。有烤鱼和火锅，前者系我地嘅选择。有三款三峡烤鱼种类及四款口味，拣好后就用QR code点火锅配料、小食、粉面、饮品、甜品等等。食火辣辣嘅烤鱼当然要配冻饮，我要杯柠檬百香果QQ（$28），选三款配料，拣咗桃胶、雪燕和寒天，好丰富！同事要杯雪梨玫瑰柠蜜（$28），内有雪梨干、玫瑰干和柠檬，两杯都味道酸酸甜甜，好解渴。拣咗招牌香辣烤海鲈鱼（$298/原条），都几大条，啖啖肉，而配料就有鸡脾菇、白萝卜和紫洋葱等。全条鱼煎至金黄，滚起就可动口。鲈鱼肉结实爽滑，滚较长时间都唔散烂，仲越来越入味，辣得过瘾。当然要点啲配料，最钟意系大部份配料都有全份或半份选择，可以试多几款。最后拣咗鲜淮山片（$19/半份）、豆皮（$14/半份）、湿炸枝竹（$15/半份）、油麦菜（$17/半份）和唐生菜（$17/半份）。鲜淮山片、油麦菜和唐生菜都好新鲜爽嫩。豆皮和湿炸枝竹就有咬口和豆香。另外都点了份卤牛筋 （$58），以为就咁食，但店员都建议我地滚滚佢。腍嫩黏滑，咸香入味，正！墨鱼滑 （$46/半份）几弹牙，内里混入不少墨鱼粒，好有口