影片
更多
2024-10-20
1297 浏览
呢日友人带咗我嚟青衣城打边炉，呢间台式火锅做紧”日本JA全农和牛嘉年华”有买一送一优惠😮 仲送500g嘅日本和牛，真系好抵呀😻 呢个套餐除咗日本和牛，都有多款肉类提供，牛魔王一定会钟意😉锅底除咗恒常有嘅八款锅底之外，亦有推出期间限定锅底😆 我哋试咗台南清香椰子鸡锅，喺打边炉之前我试咗一啖汤底，真系好清甜，入面除咗有乌鸡之外，仲有虫草花、杞子同埋椰子片🥥肉类“日本JA全农和牛嘉年华” 除咗有额外附送嘅日本A5和牛之外，其他嘅肉类餐点系等于”美国极佳牛肩胛肉晚餐”，所以买一送一嚟讲，其实价钱几抵食🤩 500g嘅日本A5和牛令人好满足呀，因为佢嘅雪花劲靓，入口即溶🐮 呢个套餐仲包括其他猪、牛、羊同埋鸡。当中嘅美国极佳牛肩胛肉牛肉味道几浓郁，而且渌完都几嫩滑。海鲜海鲜方面，呢度有两款鲜鱼片、海虾、墨鱼仔、墨鱼滑等等。个人几钟意佢嘅墨鱼仔，食落口几爽弹🦑火锅配料有台湾嘅鸭血同埋蜂巢豆腐，两款都好适合火锅🍲 可以喺QR code落单之余，外面仲有个排列整齐嘅自助吧，有大量丸类同埋蔬菜🥬 咁就可以均衡饮食啦，又有肉又有菜。熟食区台式嘅熟食都有好多种，除咗有常见嘅台湾肠之外，个人钟意佢嘅药膳鸡脚同埋台
呢日友人带咗我嚟青衣城打边炉，呢间台式火锅做紧”日本JA全农和牛嘉年华”有买一送一优惠😮 仲送500g嘅日本和牛，真系好抵呀😻 呢个套餐除咗日本和牛，都有多款肉类提供，牛魔王一定会钟意😉
锅底
除咗恒常有嘅八款锅底之外，亦有推出期间限定锅底😆 我哋试咗台南清香椰子鸡锅，喺打边炉之前我试咗一啖汤底，真系好清甜，入面除咗有乌鸡之外，仲有虫草花、杞子同埋椰子片🥥
肉类
“日本JA全农和牛嘉年华” 除咗有额外附送嘅日本A5和牛之外，其他嘅肉类餐点系等于”美国极佳牛肩胛肉晚餐”，所以买一送一嚟讲，其实价钱几抵食🤩 500g嘅日本A5和牛令人好满足呀，因为佢嘅雪花劲靓，入口即溶🐮 呢个套餐仲包括其他猪、牛、羊同埋鸡。当中嘅美国极佳牛肩胛肉牛肉味道几浓郁，而且渌完都几嫩滑。
海鲜
海鲜方面，呢度有两款鲜鱼片、海虾、墨鱼仔、墨鱼滑等等。个人几钟意佢嘅墨鱼仔，食落口几爽弹🦑
火锅配料
有台湾嘅鸭血同埋蜂巢豆腐，两款都好适合火锅🍲 可以喺QR code落单之余，外面仲有个排列整齐嘅自助吧，有大量丸类同埋蔬菜🥬 咁就可以均衡饮食啦，又有肉又有菜。
熟食区
台式嘅熟食都有好多种，除咗有常见嘅台湾肠之外，个人钟意佢嘅药膳鸡脚同埋台式卤猪手，两款都炆得好入味🐷 餐厅仲增设咗一个台式小菜任食嘅区域，我比较迟先发现到呢个区，位置喺餐厅入口附近。台式小菜非常受欢迎，见到好多客人都食得好满足😗
甜品
甜品方面，除咗有雪糕雪条任食之外，喺自助吧嘅一旁仲有个甜品区，入面有DIY台式仙草芋圆同埋西式嘅芝士蛋糕🍰 呢个芝士蛋糕食落口好绵密，虽然比较饱肚，但系都推荐大家试吓，我仲用雪糕配埋芝士蛋糕一齐食添呀🤪
饮品
餐厅提供嘅汽水居然有人气产品 生 百事🥤 另外亦都有店舖自家制嘅无糖茶，比较特别嘅系见到白桃乌龙茶嘅茶包入面有啲白桃粒粒，落去嘅白桃味好清香🍑 另外亦都有啤酒任饮。
而家餐厅做紧买一送一优惠，约埋朋友一齐嚟食就啱晒啦💛
张贴
