火鍋煮場 (已結業)

今晚在火锅店食烤肉，都几过瘾，个炉都几劲，无乜油烟，基本上安格斯牛肉、牛脷、鳝片、羊肉片、虾等等都可以直接烧，而且味道都几好，始终D食材都几新鲜。店长仲话有食烧肉专用的调味酱料添，咁都啱嘅，食烧肉如果点落咗辣椒丝蒜头葱花𠮶D豉油真系有D奇怪嘅。碟安格斯牛肉都几靓几新鲜，切得厚薄度啱啱好，烧嘅时候真系几香，入口又唔会un。碟蚬都几大碟，店长攞定张锡纸比我地，因为烧嘅时候要先用锡纸包住黎烧先OK。另外什菌拼盘都系要用锡纸包住黎烧。呢碟系榖饲牛，个样其实都OK，咁当然系安格斯牛小排靓好多啦，不过榖饲牛就平D。羊肉片都几好食，胜在够新鲜。我地仲专登叫份生菜去包住D肉黎食，会无咁滞同无咁热气。