鋒哥廚房 (已結業)

前几天，去完图书馆，黎左呢度食火锅放题，加一后每人218蚊，店舖大部分都系卡位，好好坐，舖头出门仲有几张枱有主人带埋宠物黎食，好有街坊人情味，气氛和谐开心热闹。店舖处理食物十分干净整齐，丸类系收银后面个bar枱夹，一兜兜用冻水浸住，有莲藕片、鲜淮山片、各种丸类、食左个喇沙包心丸几好食😋，牛柏叶、鱿鱼同鸡子，寿司每次出几件唔想变坏或可以问师傅攞。一开始会送一兜刺身、一兜颈脊肥牛同一兜海鲜有虾、鲍鱼、花甲同生蚝，而猪肉牛肉就要叫店员攞，或者佢收碟时会问你仲添唔添肉。另外有甜品柜，雪糕柜，同饮品任饮。仲有好多多蔬菜可以夹同有韩式即食面同乌冬汤底都有几款可以拣，我地拣左沙嗲汤底，而加钱可以转花胶汤，见都有几枱叫，可能都好好食。