宴 尖沙咀

前几日喺尖沙咀嘅遇到老同学，佢就约我去呢间居酒屋打边炉倾偈，啱啱我都未食晚餐，就决定去试下。同学话呢度最多人点嘅就系火锅]，都系放题式嘅，连蟹肉都可以任食，我觉得唔错，就跟住佢点咗一份。汤底有两种，系酱油汤同猪骨汤。两个汤底都有特色，都系食火锅嘅最佳汤底。酱油汤有住非常特别嘅风味，同其他我喺外边食嘅完全唔同，呢度嘅汤底唔会油亦唔会咸，完全唔会腻，仲有猪骨汤都系满满嘅精华，非常鲜甜，饮得根本停唔落嚟！和牛好大一盘，满满嘅雪花，又粉红色嘅，仲未食就觉得非常新鲜。而且肉质鲜美，完全冇牛肉嘅腥味，仲非常鲜嫩多汁，真系顶级嘅享受！重点菜－松叶蟹肉非常肥美，蟹肉好足，而且煮咗之后更加鲜美多汁，甜甜嘅，非常入味！同粥一齐食，简直系完美！米粥煮得非常绵软，唔会太硬，食起嚟特别清香暖胃！仲有豚肉嘅肉质好软，咬起嚟唔会弹牙，味道鲜甜，肥而不腻，涮入汤底味道更加浓郁，真系太好味啦！今次同同学倾咗好多，都好开心可以喺度遇到佢，仲介绍咗我好食嘅日式火锅，下次再嚟！