緣聚鮮鍋 (已結業)

火鍋熱食同樣正～性價比高荃灣大鴻輝入面有好多自助火鍋店，今次我就試左位於3樓的緣聚鮮鍋，好方便呀，因為去呢到唔需要我排好耐LIFT，就咁用扶手電梯都可以到！餐廳環境好闊落，而且每張枱都好大，足夠我去放唔同料～餐廳可以選擇火鍋湯底或者雞煲＋湯底而家我地就揀左鴛鴦鍋 － 麻辣 + 蕃茄湯麻辣湯底有好多辣椒同八角，好惹味而蕃茄湯個料都好足，甜甜地，好食用手機落單，我諗大約5分鍾後，火鍋料已經上齊喇！火鍋料都多選擇～而我地食得最多就係封門柳及美國肥牛～切得薄，所以好快就食得。農場雞件、牛柏葉、水魷魚、薑汁魚柳、鹵水豆腐、餃子 ……等，也是非常多的款式…！熟食方面我覺得佢地好正呀～佢有好多野點奶皇流心牛角飽，呢個真係好好食，冇諗過佢黎到個時，個牛角包係脆口同熱，好有驚喜！必試！芝士撻，真係驚喜之選～雖然食完會有少少飽肚，但佢好好味自助吧內幾多嘢揀，其實就咁食出面自助吧都有5成飽哈哈