新東記火鍋店 (已搬遷) 新店位置

新东记火锅专门店位于尖沙咀闹市，见到杂志新闻都有采访过，喺片段中见到啲食物咁吸引，好奇之下好想去试吓。汤底有多款选择，我哋最后拣咗甘笋玉米猪骨汤，汤底清清甜甜，好有鲜味。火锅配料实在太多款式，我哋就拣选左以下嘅食物鲜嫩肥牛肉牛颈脊肥牛相当颜色光泽，我们叫了最大的碟，两个人会食满足D，牛颈脊食落口相当肥美，一啲都唔觉得骚，系必叫的食物之一。四宝丸有贡丸，牛丸，自制鱼蛋，猪肉丸。四种丸都系我最钟意食嘅丸类，鱼蛋相当弹牙，贡丸有鲜冬菇的味道，牛丸很爽，猪肉丸很入味，正。油麦菜菜很新鲜，一啲都唔老，颜色好翠绿，一食落去很鲜甜，是打边炉索晒汤底精华味道嘅最佳配搭。韭菜菜肉饺、上海白菜饺两款饺份量可以双拼。韭菜饺入面有好多韭菜粒同鲜肉，皮一啲都唔厚，正。上海白菜饺味道很特别，好足料。新鲜响铃脆卜卜再浸落啲汤底，加埋我哋特制嘅酱汁，一食落口相当香口。鱼腐四粒大大粒，一放落汤底浮在汤底面，口感相当烟靭弹牙。还有很多打边炉食品都相当吸引，多多都讲不尽，而饮品方面，啤酒汽水、竹蔗茅根、红酒白酒样样都齐。