Wagyu Ya (已結業)

喺套餐同埋散叫当中，我哋拣咗散叫。枝豆》前菜嘅好选择，热辣辣，大大粒加少少盐就够富山县白虾炸扬》啲虾细细只，连壳炸脆卜卜，一啖一只海胆和牛带子烧》口感同味道都有层次，首先系食到鲜甜嘅海胆，然后系和牛嘅油脂香味，最后就系火炙带子。山椒活鳗鱼》开头以为净系套餐先至有，最后发现原来可以散叫，即叫即烧嘅关系，所以送上嚟系热辣辣，鳗鱼厚身，爽口弹牙，配埋佢哋嘅酱汁非常惹味。食肉者》呢个系店员推介，有四款唔同嘅和牛，牛肩胛、西冷、三角腩同牛舌。由最瘦嘅牛肩胛食起，最后先到牛舌。每一件都非常重牛油香，牛舌非常爽口已经mark低咗下次会再嚟，因为我仲想试佢哋嘅吉列和牛三文治