Dining Kitchen Vegi (已結業)

约左朋友铜锣湾食饭，想揾个静少少的地方，方便吹水，朋友提议去左Dining Kitchen Vegi. 系一间结合西日既餐厅，环境宁静舒适，以黑灰为主，格调感觉几grand.一坐低见到枱垫非一般铺头用纸，而系富有东南亚风情既木织枱垫及杯垫，心里暗地加左分。我地叫左本日小锅，试左猪肉锅，汤底系面豉加七味粉，忍唔住试左啖汤，有面豉既香滑加白菜既甜，仲有七味粉既微辣，当然少不免滑嘟嘟豆腐及各界款菇类，而主角猪内，肥瘦适中，薄薄一片，口感比牛肉更正。值得一提系加左皇帝菜，增加香味及感观。另外叫左海虾杂锦蔬菜天妇罗，除左虾之外，蔬菜种类繁多，莲藕，冬茹，蕃薯，南瓜，茄子，翠肉瓜，四季豆，粟米仔，本人只中二四季豆，完全冇谂过甘好味，薄薄既粉包住爽翠四季豆，加上即制仲出烟既特制酱汁，直情欲罢不能，而且附近上海盐，大家大妨一试。最后叫左个明太子杂菇鳗鱼饭，饭粒分明，中间夹杂明太子以及菇类，有别其他铺头，将鳗鱼切粒一齐炒，而系原块放面，成碟感觉更加为高级，啖啖肥美鳗鱼先叫享受。值得一提系呢度好多要同品种酒，大家可以叫返杯，慢慢食慢慢品尝。