喜記避風塘炒辣蟹 (謝斐道)

营业中

休息中

屋企人一家五口个个都返shift，好难夹时间食饭，所以我哋就喺上个星期六去咗喜记避风塘炒辣蟹提早庆祝父亲节。好彩我哋有订枱，入面真系座无虚席。拣呢度系因为贪佢嘅海鲜够新鲜生猛，靓蟹只只都咁肥美。仲有赖尿虾都好新鲜。一家人各自有想食嘅菜式，最后决定单点。避风塘炒辣蟹系佢哋嘅招牌菜，一定系冇得输，真系啖啖肉又惹味。蒜蓉粉丝蒸蛏子味道校得啱啱好，唔会抢咗蛏子嘅鲜味，粉丝都好好食。椒盐赖尿虾好香口，成家人真系争住食。豉椒炒蚬都好有大排档嘅水准。姜葱美国生蚝煲嘅蚝仲系胀卜卜，唔会过熟。菠萝咕噜肉唔会剩系得啲骨，菠萝青椒等配菜都好好食。滑蛋炒虾球啲虾劲大只，蛋亦炒得好滑。清炒白菜仔一样咁正。最后再食佢嘅蟹油炒面，一家五口饱到捧住个肚咁离开。