星小宴

营业中

休息中

成日喺黄金海岸见到呢咋户外位都相当向往，今日得知呢间星小宴仲有户外炭炉边炉食，户外打边炉已经相当有风味，呢度仲要系用传统嘅炭炉，真系令人急不及待要即刻过嚟试下。秘制香辣鸡煲，我哋选择咗先食鸡煲再加汤打炭炉边炉，鸡煲十分惹味，香辣俱备，鸡皮微脆，唔知系咪经过走油处理，鸡肉嘅份量都相当充足。手切特级安格斯牛肉，中间𠮶几块牛肉摆成花冧形状，卖相满分，牛肉油脂均匀，一入口散发著淡淡嘅牛味，肉汁香浓，口感嫩滑。白菜猪肉饺，白菜猪肉饺馅料饱满，菜肉嘅比例系我最喜欢嘅一比一，赞。爽口贡丸，贡丸菇味香浓，明显无落太多粉，真材实料。趁天气仲凉凉地可以再嚟返兜多几次，始终炭炉要喺户外，户外要喺冬天。