餃子冰室

营业中

休息中

之前睇访问见过呢间小店，难得黎长洲一于试下。午市嚟到都要排一阵队先入到去，一坐低就叫咗几款特色饺子，每款四只嚟试一试味。1）蒸葱爆牛肉饺：有葱同牛肉嘅味道，都几夹几juicy。2）半煎炸印第安饺：微辣，洋葱肉馅，有一股香料味，但成只都系炸嘅，只能说唔系好啱我口味。3）半煎炸黑白土匪饺：模仿土匪鸡翼嘅味道，即系孜然味，系少见嘅鸡肉饺，不过都系炸得好劲。4）煎惹味咖哩薯仔饺：系exactly将咖哩薯仔放入只饺咁嘅味道，味道好味，煎得唔脆又好油。5）蒸蚬肉芫荽饺：呢个系好惊喜，好出色嘅饺！好清新，唔需要点醋点豉油，就咁食都好好味，蚬肉清甜无沙，加埋芫荽味道好夹！因为系咁好食，就留到最后先食，无咁热都唔会腥，系几唔错！6）腐竹薏米糖水沙冰：几好饮㖞！名副其实将个糖水雪冻打冰呀！整体嚟讲，蒸好食过煎或半煎炸，半煎炸太油腻了！食两个已经够皮。环境嚟讲，要有心理准备，超逼！得几张枱，双人枱逼到连脚都坐唔入咁滞，一啲都唔好坐。不过佢每张枱都放把风扇仔，环境都无咁局。