仙桃居

营业中

休息中

仙桃居，好食地方小店，因为地方细，所以轮侯时间长，一直都好难食到。近排特登提早去食，皇天不负有心人，终于成功入座开餐。盐酥鸡翼米线 $43呢个餐被店铺称为粮尾餐，感觉上最唔伏既，因为炸鸡翼系刚炸起，新鲜滚热辣，所以唔会有伏。米线有咬口、有质感，个人黎讲唔钟意食过淋既米线，呢个硬度适中！其他粮尾餐包括有粟米肉粒饭，但睇餐牌个卖相就唔想嗌黎食，可能我未够粮尾吧……炸鱿鱼须同朋友食必点小食之一，而家得返一个size，份量都几大，两个男人食到超饱先走到。新鲜炸起出炉就唔重覆，加埋五香淮盐令到炸物既香口程度升华，食到停唔到口，只怪自己个肚位置有限，食到咁上下就饱到食唔落。