元祖和風食堂虎藏

营业中

休息中

放工肚饿可以试吓屋企楼下新开嘅元祖和风食堂，见佢平时啲雪糕同埋炸物都好多人帮衬。炸物嘅选择都几多，酱油炸鸡，炸蟹柳，北海道牛肉薯饼（六点已经卖晒），南瓜薯饼，杂菜薯饼，而我今次就点左咖喱薯饼。好日本风嘅包装～大小大约系麦当劳薯饼咁上下，再厚身少少。啱啱炸起，攞上手热辣辣。个吉列皮好脆，皮底少少软熟，厚薄均匀，啲炸粉唔会散开晒，食落唔论尽。咖喱微辣，红萝卜同埋洋葱好琳，薯蓉好软熟唔会一粒粒。食到最尾见到薯蓉同埋咖喱捞得唔好，突然间有一部份淡味左，但系整体来讲$10系满足嘅。