肥姐蠔餅婆

营业中

休息中

元朗除左有好多好食既茶记之外，唔少得小食，而芸芸元朗街头小食入面，最深得我心既一定要数「肥姐蚝饼婆」。系几年前肥姐女儿患重病，有网友熟客得知事件之后系facebook发布消息，呼吁元朗人或者黎元朗既人帮衬支持小店，当然依家已经雨过天青，肥姐既敬业乐业确值得我地尊重。小店多年来都系老模样，食既系肥姐既手势唔系环境。呢到有张枱仔，比你加酱汁、自己倒垃圾同叠返好只碟。价钱主打卖蚝饼，分1-4件，价钱都系$30/件，另外都有凤爪同饮品。肥姐蚝饼　$30/件即叫即煎，炸粉够薄，最紧要系蚝要够肥美，蚝新唔新鲜都睇处理手法，呢到既蚝有肉汁有鲜味，而且蚝份量都够，配上脆脆既炸皮，好香口，枱面有秘制泰式酸辣汁，我自己就一定会点，因为绝对系画龙点睛，令成个口感层次更加提升同埋更加惹味。基本上一、两个星期就会食一次肥姐，一系食完晚饭黎食个宵夜，一系就口痕过黎食件过下口瘾，我唔会话佢系最好食既，但肥姐既心机同埋蚝饼中上既质素已经足够令我经常帮衬。