魚事者 (鴻達樓) (已結業)

呢排食得多carbs，今日就想拣下其他特别野食，同事介绍嘅呢间小食店 — 鱼是者，位于旺角，主打鱼肉制品，选择多价钱都合理。开心乐园鱼狗包（$38）见到我有选择困难症，靓女店长推荐嘅新品，果然有惊喜！松软面包加上弹牙鱼肉肠同新鲜爽脆青瓜丝，自家制他他酱简直系神来之笔，酸酸甜甜好开胃！绵绵芝士汁吉列猪扒鱼面捞（$38）我哋叫咗半份试，猪扒够脆身扎实，配菜在蕃茄、紫菜，芝士汁唔算太浓配鱼面正好可以食到鲜味，鱼面系含50%鱼肉，饱肚之余又富营养。双拼烧卖（$20）芫荽拼陈皮烧卖，要特别介绍呢度嘅辣酱，又鲜又辣，配烧卖一流，但唔好点太多，如果唔系就盖过咗芫荽同陈皮香！港式多士三并 配黑松露酱 （$33）虾、鱼、墨鱼三款多士，咬落酥脆又香口，蘸少少黑松露酱增添香气！炸鱼无薯条 配 蜜糖芥末酱（$38）份量之大够三个人share食，热辣辣炸起有薯条嘅香脆度，又有鱼味同弹滑，可以拣配调味粉或者蘸酱，大人小朋友都一定钟意！洛神花山楂雪梨茶（$18）、招牌奶茶王（$20），前者清润养生，后者香滑又浓，又唔会太甜，个人非常推荐！店长仲用纸巾包好，为免倒汗水整湿纸袋，非常贴心！