桃里

营业中

休息中

今日有事要出尖沙咀东，本来谂住去九龙香格里拉酒店香宫食中午饭，点知full晒！之后再打电话去问天外天又full晒！结果谂一谂，好耐之前同朋友试过桃里，结果打电话去问，有位！即刻去试吓！呢间酒店中餐厅，位于尖沙咀新世界千禧酒店，位置有少少偏远，但估唔到质素有惊喜！去到睇见餐牌，只有点心单叫和点心buffet选择，睇见一笼虾饺都80几蚊，冇理由唔食buffet，谂住buffet嘅质素会差啲，结果都系每笼即叫即蒸，估唔到质素都好好！虾饺，皮薄里面好实净，真系好唔错！鲍汁凤爪又几好！而且会因应人数，每次份量唔会好多，好适合可以试好多种不同的款式！一次过试咗虾饺、烧卖、斋粉果、椒盐鸡软骨、芝士虾春卷、牛肉球等等！除咗虾饺同其他款式都出色之外，佢嘅灌汤饺都好好！而且环境亦都好舒服！又唔会多人！始终系酒店环境，计埋个价钱！非常合理！下次会再帮衬！