瘋狂小面 (佳德商業大廈)

营业中

休息中

平时好少食川菜，女友又钟意食辣，所以今日带佢嚟今期流行既疯狂小面。入到去见到木枱，梳化椅，砖墙。以上都系传统成都餐厅既装修。之前有一段时间去成都实习，所以系餐厅特别有一种熟悉嘅感觉。餐厅有提供套餐，最贵𠮶个包晒小面、饮品、小食同甜品。率先上菜既系疯狂肥肠面，面嘅份量真系超多，面条偏向稔身。汤底既麻味突出，同时亦尝到辣同香。估唔到肥肠入口非常爽口，唔会咬极都咬唔开，亦唔会好韧。肠入面亦清理得非常干净。女友叫咗担担面。同一般担担面不同之处左于冇咗芝麻香味，但同时突显四川风味-麻同辣。入面有大量肉碎同花生。不过担担面叫既系小麻，但比我BB麻既冇咁麻。蒸蛋属于少数唔辣既菜式，口感非常滑溜，顶上加左肉碎同葱花令味道更香。棒棒鸡浸系麻辣汤度，味道果然够麻。另外肉质嫩滑。成都老冰粉入面既配料比我系成都食既冰粉无咁丰富，但一样清甜。加左花生、提子干令口感更丰富。上年去成都见好多当地人都食钵钵鸡，但自己都唔敢食因为成都大多数啲竹签都系重用。不过临走前问职员，佢地话唔会重用，所以下次嚟可以放心食。今次食左BB辣，下次可以食辣啲，挑战小辣。