影片
更多
2020-08-08
576 浏览
西九龙中心呢间北京拉面店平时都冇乜同事会帮衬，搞到个感觉好似伏味甚浓咁，但最近发现网上外卖平台外卖自取有四折，折咗之后真系平过食颓饭，所以今日决定一战！生煎锅贴折实价$15.6，价钱非常合理，皮不算薄，但个馅系好食嘅，可以推介！我哋仲好豪咁叫咗个小食拼盘，总共有五款小食，包括五香牛肉、四季豆、口水鸡、拍青瓜和川北粉皮，份量多到分咗两个盒嚟装，全部味道都好食，五香牛肉系牛𦟌，口水鸡辣到适中，拍青瓜就带点麻辣味道，我尤其推介佢嘅川北粉皮，因为真系好薄好滑。蜜汁猪扒担担面折实价只系$21.2，试问呢个价钱喺边度可以食到一碗面，见有食评批评话块猪扒系甜嘅，咁讲明系蜜汁猪扒，其实带甜都好正常啫，担担面汤底浓度适中，有香浓嘅花生酱味，不过外卖啲汤系冇分开上，所以到食嘅时候啲面就比较淋身咗啲，但味道嚟讲绝对系OK嘅！麻酱鸡丝冷面折实价$22.8，唔好以为呢个价钱份量得好少，佢无论冷面、鸡丝同麻酱嘅份量都超多，食晒一盒超饱，不过可惜佢又好似有点余温，未至于系冷面嘅感觉。不过都系果句，呢个价钱味道正常，我都系会俾一个好评！
生煎锅贴折实价$15.6，价钱非常合理，皮不算薄，但个馅系好食嘅，可以推介！
生煎锅贴
$16
13 浏览
0 赞好
0 留言
京心沪大拼盘
$52
29 浏览
0 赞好
0 留言
蜜汁猪扒担担面折实价只系$21.2，试问呢个价钱喺边度可以食到一碗面，见有食评批评话块猪扒系甜嘅，咁讲明系蜜汁猪扒，其实带甜都好正常啫，担担面汤底浓度适中，有香浓嘅花生酱味，不过外卖啲汤系冇分开上，所以到食嘅时候啲面就比较淋身咗啲，但味道嚟讲绝对系OK嘅！
蜜汁猪扒担担面
$21
13 浏览
0 赞好
0 留言
麻酱鸡丝冷面
$23
20 浏览
0 赞好
0 留言
张贴
