影片
更多
2012-09-09
256 浏览
咦... 顺德菜... 我好似未食过㖞... 餐厅内得3排枱, 小菜馆格局... 一坐低就闻到隔离枱D煲仔菜超超超香!!! 忍唔住劲昅... 之后问侍应生隔离枱食咩, 佢就话系姜葱焗鱼... 虽然我唔多食鱼, 之但系真系好香, 所以都决定试吓... 我地D煲仔菜一到, 隔离枱啱啱坐低, 闻到好香, 又好似我地咁, 议论纷纷, 哈哈, 好似一枱Sell一枱咁, 循环不息, 感觉好搅笑... 瓦罉煎焗鱼咀--好好好香呀!!! 我地第一时间系夹D姜葱o黎食啰, 之后先食鱼... 我食咗面珠登, 滑到夹唔起, 味道都OK㖞, 一D都唔腥, 好掂呀!!! 姜葱桶蚝煲--又系好好好香呀!!! D蚝仲好巨型, 我冒病食咗一只, 好Juicy呀, 啖啖肉, 又香又冶味, Ichiban呀!!! 重点系, 我唔钟意食蚝都觉得佢好食!!! 问过专业人士, 煮完都咁大只咁Juicy, 应该系美国桶蚝!!! 渔村肥仔鸡--冇得倾, 情意结嘅关系, 呢味系我地心目中系最好味嘅!!! 因为细时都系咁样食鸡, 好有怀旧Feel... 冬菜, 红葱头, 红枣, 杞子, 简简单单, 味道极之丰富!!! 赞! 赞!! 赞
餐厅内得3排枱, 小菜馆格局... 一坐低就闻到隔离枱D煲仔菜超超超香!!! 忍唔住劲昅... 之后问侍应生隔离枱食咩, 佢就话系姜葱焗鱼... 虽然我唔多食鱼, 之但系真系好香, 所以都决定试吓...
我地D煲仔菜一到, 隔离枱啱啱坐低, 闻到好香, 又好似我地咁, 议论纷纷, 哈哈, 好似一枱Sell一枱咁, 循环不息, 感觉好搅笑...
瓦罉煎焗鱼咀--好好好香呀!!! 我地第一时间系夹D姜葱o黎食啰, 之后先食鱼... 我食咗面珠登, 滑到夹唔起, 味道都OK㖞, 一D都唔腥, 好掂呀!!!
姜葱桶蚝煲--又系好好好香呀!!! D蚝仲好巨型, 我冒病食咗一只, 好Juicy呀, 啖啖肉, 又香又冶味, Ichiban呀!!! 重点系, 我唔钟意食蚝都觉得佢好食!!! 问过专业人士, 煮完都咁大只咁Juicy, 应该系美国桶蚝!!!
渔村肥仔鸡--冇得倾, 情意结嘅关系, 呢味系我地心目中系最好味嘅!!! 因为细时都系咁样食鸡, 好有怀旧Feel... 冬菜, 红葱头, 红枣, 杞子, 简简单单, 味道极之丰富!!! 赞! 赞!! 赞!!!
啫啫通菜煲--都系香+香+香!!! 味道都系浓淡适中, 掂呀!!!
大良炒鲜奶--全餐最唔掂!!! 一D奶味都冇, 又炒到老晒, 一D都唔滑溜, 好失望!!! 仼我地原本系叫咗勒流榄角骨, 之后醒起D网民推介呢个大良炒鲜奶, 急忙揾侍应生帮手叫停个榄角骨, 转做炒鲜奶, 真系错得紧要...
大哥炒饭--好咸呀!!! 好好好辣呀!!! 我地估计系D胡椒作怪, 应该系D海鲜唔新鲜, 所以要落好多胡椒辟味!!! 都唔明点解D网民会推介, 食白饭好过...后面张大枱有成十个人以上, 超超超嘈!!! 全部人都大声公上身!!! 嘈到我地耳膜都穿, 莫讲话想吹吓水...
全餐整体都几满意, 因为碟鸡真系好啱口味!!! 为咗再尝肥仔鸡, 我一定会再o黎!!!
张贴
