華嫂冰室 (已搬遷) 新店位置

系屯门读书，去华嫂都唔算远，但其实家住港岛东，毕左业后应该唔会咁诚心入黎朗屏食，所以决定系毕业前食一次！华嫂1-2pm会休息，所以12点前去就食到1pm前，如果要食2点后就1点半去排定队。我地1:20pm左右去到排第一个。点左蕃茄鸡翼猪扒通，咸牛肉旦治招牌菠萝包。2个人share好饱，一个人应该食唔哂一个面加个包。个通粉我觉得汤底有d太酸，但鸡翼猪扒都煎得几好！下次黎会试下其他。同行既男仔话咸牛肉旦治好正，正过招牌菠萝包，但我食过旧时铜记礼敦面包店既蛋牛治，依然觉得系最好食。不过华嫂用热狗包，我觉得正过一般用方包，但整体都系普通水平。我本身好钟意食够热够脆既菠萝包，所以呢个招牌菠萝包系我最爱。本来未黎之前，我觉得招牌菠萝包只系一个加左茄蛋既菠萝包，味道应该可以预计到，但估唔到食落层次好丰富，个菠萝油同蕃茄煎旦又离奇地夹！希望系毕业前可以黎多次，系港岛应该无咩机会食到，早起身都抵既！