雲來軒 (已結業)

是晚同一众好友相聚，朋友选左呢间新派粤菜，虽见价钱都唔太平，但大家都跃跃欲试。 朋友已订枱，所以去到都唔使等。对唔熟尖沙咀嘅朋友嚟讲，酒家位置系有少少难揾嘅。上到酒家，其实地方比较细，枱与枱之间位唔多，但都光鲜企理嘅。 我地坐低后，因未齐人，都倾一阵偈先点菜，侍应都无催我地。 上菜时间一般正常啦，侍应态度都良好嘅。我地都点左8碟𩠌，真系有赞有弹。其中最掂嘅系脆皮牛仔腩，肉嫩唔黏牙，仲有脆脆嘅外皮，正!  话梅鸡都ok嘅。 而最唔掂嘅，我觉得系星洲炒米啰，茶记果D都炒得香过佢。 当然杂菜煲都系劲普通，可以唔使叫。 而陈皮骨嘅份量就少得可怜，真系预你一人食一粒，同价钱唔成比例啦。