人和月雞煲火鍋店 (已結業)

餐厅位置非常容易揾到，由尖沙咀A1出口行2分钟就会到达！乘搭升降机到3楼，一出升降机门，就得到侍应热情嘅款待，佢哋非常有礼貌，而且服务周到，仲安排咗我哋坐卡位，座位宽敞，非常舒服，而且私隐度都颇高，可以同朋友畅所欲言。天气转凉，当然唔少得打边炉同食鸡煲啦！一场嚟到梗系要试吓火锅店首创嘅酥皮麻辣芝士鸡煲啦，加埋靓牛肉同埋海鲜拼盘，啱晒我😁酥皮芝士鸡煲，将酥皮同埋鸡煲二合为一，酥皮焗到非常香，表面松脆，切开然后融入芝士同埋麻辣汁里面，加上吸收咗麻辣汤底嘅鸡肉，非常惹味。海鲜拼盘样样都好新鲜，份量足美国牛肉盒，每一款都有少少标签做介绍，非常细心，可以食到唔同牛嘅部位另外火锅配料可以任叫打完边炉之后，总系要食返个雪糕先至满足嘅！除咗雪糕之外，仲有芋圆、豆腐花、凉粉选择😋饮品方面，最欣赏自家制柠檬茶同埋荔枝茶，冰冻解渴，仲冇添加，比较健康！