滾得囍宮廷火鍋小炒

营业中

休息中

今日本来谂住过海食饭，后来都系懒所以都系响港岛揾食算啦，因为好想食卜卜蚬，所以就去咗位于北角地铁站附近的「滚得囍宫廷火锅小炒」。呢度系用QR Code 落单，都几方便，每张枱都有屏风分隔开，私稳度都几好，唔驶你眼望我睇。呢度有好多款汤底可以拣，有我最钟意既麻辣汤底，但今日我系为卜卜蚬而来，所以最后汤底我都系拣咗卜卜蚬。点完菜，店员会送上前菜，是一个好精致的器皿，入面放咗5款前菜(2 x $28)：桥头丶脆花生丶酸菜、蚕豆、芥末云耳顺治特色卜卜蚬锅 ($198) - 成锅都系卜卜蚬，分量好足，又大只，蚬肉好鲜甜 ，连个汤可以饮 。手切顶级安格斯牛肉 (细) ($288) - 安格斯牛肉油花分布得好均匀，放入清甜既卜卜蚬汤入面白灼灼一灼就可以食，肉质入口即溶，好有牛味，赞伊比利亚橡果猪 ($188) - 猪肉肥瘦适中，猪味好浓，不会鞋口，灼完都好嫩滑。最后，店员会送上每人一碗奶冻，奶冻入口滑溜有奶香，可以清下味蕾。